O galego e útil é o título dun manifesto promovido por galegos e galegas que residen no exterior e que queren desmentir, desde a súa experiencia vivindo e traballando no estranxeiro, os tópicos de que "o galego só é útil na Galiza" ou "non serve para nada".
Os promotores do manifesto afirman que "é unha obviedade dicir que unha lingua é útil, porque todas o son", pero que , "lamentabelmente no debate lingüístico en Galiza óense con demasiada frecuencia comentarios que descualifican o estudo do idioma galego argumentando que é unha lingua que non serve para nada fóra da nosa terra". "Quizais non é mala idea gritar obviedades por internet", conclúen.
Xesús Magariños e Inma Gil, impulsores da iniciativa, agardan atraer sinaturas e comentarios de usuarios galegos de todo o mundo e contribuír así "construtivamente" ao debate sociopolítico na Galiza.
Subscrever:
Enviar feedback (Atom)
Sem comentários:
Enviar um comentário